​

​

Schturm

 

S wüeted uns s windet und d Wälle verwached

Der Himmel gseeht schwarz, d Wulche trummlet und krached

S pfiifet und knarret, s tonnret und blitzt

S splätscheret  s planschet s lüüchtet  und s flizt

 

Im Reschtaurant flüüget alli Teller vom Tisch

Bald isch de Bode voll bröötlete Fisch

D Melone und d Öpfel rollet hin und hèr

Kes glas schtat noch grad alli Fläsche si Lèèr

 

Schturm, Schturm, Schturm ufem Mittelmeer

Petrus schpilt Pauke, s’tönt wi Dynamit

Schturm, Schturm, Schturm ufem Mittelmeer

S Schiff tanzt en Walzer und mir tanzet mit

 

En Herr rennt im Panik sim Huet hinterher

Bis de verschwindet im schuumende Meer

einisch gseeht er in noch  ganz kurz erschine

Im Muul vonere schtolze Babydelphine

 

Em Choch isch a Chischte voll Gruyère zerbroche

D müüs chömed froh us de Löcher achroche

S Gschirr fangt a Klirre und Klimpre im Schaft

Usre Ladig Tomate  wird Tomatesaft

 

Schturm…

 

Denn schtürzt sich bim Vorschiff uf einisch  O Schreck

A Riesige Welle quer  über s Deck

Verzwifelt lost de Kapitän Wetterbricht

Da flüügt ihm en Tintefisch schnurstracks ins Gsicht

 

So schlüdrets und schlingerts s wird immer wi schlimmer

Alli Lüüt flüchtet schnell in iri Zimmer

Machet ke schritt me, d Angscht hät si pakt

Nur d Tänzer händ Freud und walzeret im Takt

 

Schturm…